السلام عليكم ورحمة الله وبركاته هذه قصيده كتبتها بقبيلة المضابره والقيتها بحفل سلمان وسعد ابناء سعود المضيبري وهم يستاهلون وحبيت انزلها لكم عسى ان تنال رضاكم
سلام ياروس الرجال اللي لهم مجد كبير = عيال مضبر مانسى التاريخ ذكر افعالها
عيال عمي عزوتي بالوقت الاول والاخير = من ساس عبس اللي تفاخر في فعول رجالها
ماماتو رجال ن لحق الضيف تنحر للبعير = بالوقت الاول واكمل الامجاد فعل عيالها
في جاهكم ياهل الوفا ماعاش رجال فقير = انتم سواة المزنه اللي ماوقف همالها
ويوم الفعائل ترهبون الخصم والجمع الكثير = وتشهد عليكم سالف ايام البشر وليالها
وانا كتبت الشعر من صدق المشاعر والضمير = وامد من بن الدلال الكايفه فنجالها
واغوص وسط الغبه اللي عمها البحر الغزير = واجيب لاصحاب المقام من البيوت جزالها
عسى تجملنا مع اهل الحفل والجمع الغفير = في ليلة ن فيها الفرح والشعر هل هلالها
واختم كلام الخير باللي كل مانذكره خير = اقولها لاهل العقل لوكان قبلي قالها
صلو على خير البشر نبينا الهاد البشير = واللي يصلي واحده يجيه عشر بدالها
اخوكم: طارق بن نايف البراك الرشيدي