قصيدة مهداه للأخ صالح بن سالم المهيمزي الرشيدي بمناسبة حضورنا زواج ابنه الشاب /طلال
يوم الخميس ليلة الجمعة الموافق 27/8/1432هـ في محافظة عنيزة
سلام تسليمت(ن) تهدى لكل الحضور=تسليمةٍ(ن) بالوفاء والطيب عنوانها
اسوقها من هجوس(ن) بالوفاء ماتبور=في محفل اللابه اللي جيت من شانها
اليادعى مثل ابن سالم وفي الشبور =حضرت ومحضر الجزلة وقيفانها
قريحتي بالشعر وقت اللوازم تثور=في مفردات القصيد ايثور بركانها
شاعر وعن مدحت الطيب ماني بمعسور=اشفق على مدح قوم ٍ طالت ايمانها
لاصار طيب وطيبه من قديم العصور =طيبه من اللابه اللي عاليٍ شانها
افعالهم مثبته ون قلت ماقلت زور =ياجاهل انشد وتلقى علوم فرسانها
مهامزه من سلايل عبس فيهم فخور=أي والله افخر بعبس وكل شجعانها
ونا من العزوة اللي ماعليها قصور=عجاونة يثبت التاريخ برهانها
افعالهم يوم دق الشلف وسط النحور=قبيلةٍ فعلها بين بعدوانها
والله ماقلتها قصدي بقولي غرور=بس الحقيقة ترجح كف ميزانها
والله يديم الليالي والفرح والسرور=ولأمن في دولة آل سعود ووطانها
******** type="text/**********">doPoem(0)***********
مبروك بن عبيد