لاعتـــــــني الـدنيـا وجـربـت السنـين .. وأنا أحمد الله عن غثاها وأشكره
أطوي همومي وسط قلبي واستعين .. الطـــيب أداريـه والــلاش أحـــقره
مدامني مركي على الضلع السمين .. اللي يبي فرقاي,, محدن يجـبره
تعـبت من اللي ذااا بجرحه يستهـين .. وانا اتدارى كـــل جــــرح وأســتره
حشــمت غلــطاته لعــين الطيبــــين .. وهـو يزيد الجـرح بالجـرح آشـكره
يمـد لـــي يســـراه وأمــــــد اليمـــين .. يامهول الذنب العظيم,,, ومكبره
قسـم,,, قسم باللـه رب العـالمـــين .. مايوجــــع الصاحب ولاهو يقـهره
إلا الرفـيق اللــي قطـع عــرق الوتـين .. وأتلى العهد به في يمينه يبـتره
شيضـيق بالرجــال يالعــذر السمــين .. مهما عذرتــه فالـزمن مايعـــذره
يا أهــل النفـوس الضايقه لاتستحين .. ماتاقف الدنيا على سبـة مــــره
اللـــي خطـا مـــــره فحـــده مـرتــــين .. والعفـو مهــما كان عند المقدره
ومن طاح من عيني ترى ماني حزين .. البعد من بعض المخاليق خيـره