ياسيد التاريخ والعز والجاه=يامن حوى كل المراجل ولازال
يامن له التاريخ بالمجد نقراه=سلائل اللي للصعيبات حلال
حفيد من رووس المشايخ تنصاه=حلال صعبات المصايب والاثقال
شيخ (ن) تسلسل من هل الطيب مجناه= من بيت شيخه ماتشيخ بالاموال
ابوه قبله كل من ضاق ينصاه=كل القبيله تستمع له الى قال
ابوه ناهس يشبه في حلاياه=راع المروه والشجاعه والافعال
ماحد(ن) جهل من تفعل الطيب يمناه=طيبه يخلد ذكره اجيال لجيال
الطيب له مع سلم المجد يرقاه=ياصله لودونه قويات الاقفال
يعرفه اللي مايعرفه ولاجاه=من السمعه اللي تشرح الصدر والبال
المدح يزهى شخص مثله وشرواه=مثل فهد معرب الجد والخال
فهد بطيبه ماتغير نواياه=من يوم كان اصغير في سن الاطفال
شيخ (ن) على كل المواجيب تلقاه=كل العلوم الطيبه فيه تنقال
حتى القصيد ا مدحه ايزين معناه=تشتاق له حتى جزيلات الامثال
يفرح به اللي طايح (ن) وسط مضماه=عليه من موج الدهر يظهر اللال
ياشيخ لك فضل (ن) عليه ولانساه=معروفكم منساه لوالدهر طال
بس يتجدد كل ماحل ذكراه=عشرين عام وخمس ياطيب الفال