بسم الله الرجمن الرحيم
اقدم لكم هده القصيد واتمنا ان تعجبكم000
صالت هواجيسي وجالت وحررت 000 نبذه عن الواقع بقاف ٍ بديته
على الشريعه من كرم خالقي سرت 000 وبحدودها حق القرابه رعيته
كم مرتن خطا القريبين صغرت 000 لوكان مكتوب ٍ بخط ٍ محيته
راع الخطا مع زلته ماتحدرت 000 بالعكس رجم العفو شمت ورقيته
مهما حصل من حظرته ماتكاثرت 000 وصارعت غيض النفس حتى قويته
ماهي ضعافه يوم عنه تقهقرت 000 بين الشنب والدقن وضعه لقيته
وليا نصاني بحاجة ٍ ماتأخرت 000 ان مانفعته بالزمن ماشنيته
ارتاح لامني لك الله تذكرت 000 كلمة نبي ٍ طايعه ماعصيته
واهل الوفاء والطيب فيهم تفاخرت000 منزالهم بقصا الظماير بنيته
وكم واحدن من قاصي الناس قدرت 000 اللي يقدر جيتي لانصيته
من الصغرعن واجبي ماتعذرت 000 وهبه من اللي في صلاتي دعيته
وبعلاج راع النمنمه ماتحيرت 000 اشعلت نار الصمت وفيها شويته
رغم الظروف بدنيتي ماتضجرت 000 فضل الصبر بكتاب ربي قريته
اخذت من كنز القناعه وكثرت 000 ما قدر المولا علينا رضيته
الشاعر/ صلاح مطلق بن بدوي المظيبري
</i>
يا سلام عليك يا صلاح مطلق بن بدوي المظيبري
ابداع بمعنى الكلمه
صح لسانك واعتلا شانك
تقبل تحياتي واعجابي