السلام عليكم ورحمة الله وبركاته
اخر محاوره بيني وبين الشاعر ذيب الشمري اتمنى ان تعجبكم ,,,,
مرزوق
سلام ياذيب مني ياصلك با الكويت=يعم كل الربوع اللي تشوفونها
اذكّرك يا وسيع العرف كانك نسيت=عن معرفة يوم والنشده وقانونها
******** type="text/**********">doPoem(0)***********
ذيب
يا مرحبا فيك يا اللي با المحبه بديت=تحيةٍ با الموده باح مكنونها
ان كان تبحث عن التقصير فيني لقيت=بعض المواجيب قمت وطحت من دونها
******** type="text/**********">doPoem(0)***********
مرزوق
دنياك يا ذيب تعطي وانت فيها عطيت=حتى ولو كشّرةدنياك بسنونها
مادام جبت الفضيله يا العمودي وفيت=اخذ الخبر من هجوسٍ جاك مضمونها
******** type="text/**********">doPoem(0)***********
ذيب
يا نجم عيني تطالع فيك لين اختفيت=تجمهرت دونك الحساد بظنونها
وانا ابن عمك مع الايام بعت وشريت=وبعض البضايع تضيع الناس من دونها
******** type="text/**********">doPoem(0)***********
مرزوق
النجم لو غاب يطلع وانت نجمٍ سريت=كم ليلةٍ عذبت ليلى ومجنونها
انا ادري انك مع ايامك نزلت ورقيت=واعرف ركوع الصلاة اللي تصلونها
******** type="text/**********">doPoem(0)***********