لهل الوفاء والطيب حشمه ومقدار=والضيف له واجب وللضيف تقدير
وفي حفلة اللي يكرم الضيف والجار= يامرحبا ياهل الوفاء يالمناعير
يامرحبا بالضيف وأيضا هل الدار=ترحيب أحلى من حليب المصاغير
لاربعن في روض عشبه ونوار=كنه حصى روس الجبال المشاهير
اللي من اول يوم بالوسم الامطار=عليه هتاف المزون المزابير
أقولها وثني بها سر وجهار= باسم سند سطرت الأبيات تسطير
باسمه وسم ربعه طويلين الأشبار=أهل الفعول ومحتمين المظاهير
اللي لهم في ساحة الطيب معبار=أفعالهم بالطيب ورد ومصادير
وسند مع اهل الطيب تلقاله أذكار=طيب وطيبه بالليال المعاسير
رجل لياجته تبي فزعته ثار=يفزع ولايحسب حساب المخاسير
وليادعى شرواه ماجبت الأعذار=دونه أنا والشعر مالي معاذير
شاعر وطب بصيد الأفكار واختار=صيد كما صيد الحرار المشاهير
وشعري بمدح اهل الوفاء نسل الأخيار=يكسب رضى طيب ويزعل معاثير
وليادعاني راعي الطيب والكار=الطيب ذخري من رجال مذاخير
وفي حفلة اللي يكرم الضيف والجار=حضرت انا والشعر من دون تاخير