قال النوى قطع الوصل بين الاحباب
ولاطال صار بسيرة الحب خله
قلت العفو قلبً من الحب منصاب
ماينكر احبابه على البعد لله
الحب ياسيد المزايين غلاب
لك في خيالي هاجسً مايمله
اضم طيفك ضم من بين الاهداب
واقوله سلم عليه بمحله
خلن خذاني ماتدرا ولاهاب
سلمت له روحي وانا رضيً له
جيشه عيون وخد ورموشه حراب
سيف الهوا من رمش عينه يسله
لايحسب اني برخصه عقب ماغاب
طال المدى ولاقصر وافيً له
والعاشق اللي تخلفه بعض الاسباب
قله بري من كلمة الحب قله