قالوا حبيبك يسمع الشعر قلت إيـه () يقراه بعيوني قبل تسمـــعونه

لولاه حتى طاري الشعر مـــــابيه () مير اكتبه من شان خاطر عيونه

هو روح شعري وامنياته ومـــاضيه () جذع الشجر وش كان لولا اغصونه

اكتب لغيره والقصايد تجي فـــيه () كن القصايد حالفه ماتخـــونه

هذاك لامنه زعل قمت اهــــــاديه () حتى وهو مخطي تعــــذرت دونه

يمكن لوانه يلمس الجرح بيـــديه () يستغرب ان اللي لمسها طعـونه

ابطى وهو غايب وزلت حـــــراويه () وأنا من العام اتحرى مــزونه

هو مادرى اني في غيابه محــاتيه () ليته نشد عن حالي اللي يجونه

وقلبي اللي توه افلت عــــراويه () كيف انسرق وضلوع صدري حصـونه

عجزت ارده كن ماني بــــــراعيه () يوم انتثر شوقه وهاضت اشجونه

يبسن عروقه لكن اللي يعـــــزيه () ان اكثر العالم تردد لحــونه

خافوا من الله لاتجيبون طـــاريه () لاصرت انا موجود لاتذكــــرونه

لو كل غالي جابه الله لغـــاليه () ماشفت لك مخلوق تبكي عيــونه