سكون الليل
لي وقت ماجاني من اغلى الناس مرسول وخبر
ورسايلي تبقـى ثـلاث ايـام قيـد الانتظـار
وين انت يالي بعدك عيوني مطاولهـا السهـر
وصوتك يحليلي سكون الليل مـن بعدالنهـار
ابتصبر عنـك لكـن عنـك ماعنـدي صبـر
تبقى الحقيقه ماحد يعوض غيابـك باختصـار
شوفك ربيع القلب يالمحبـوب وغيابـك دهـر
ومقبول عذرك يالطيف الروح قبـل الاعتـذار
ياواحدن في وسط قلبي غير عن كـل البشـر
الله عطاك من الغـلا والله عطـاك القلـب دار
مابيك صاحب يوم ابيك تصير محبوب العمـر
وابيك تحسب لي وانااحسبلك على طول اعتبار
يالغالي الي غير عن بيض العـذارى والسمـر
القرب منك جنة الدنيـا وبعـدن عنـك نـار
بينت لك مافاض من شوقي وصخرت الشعـر
وكتبت لعيونك قصيدً صـار للعاشـق شعـار
هذا وانا لي وقت ماجاني منـك علـم وخبـر
والله يعلم ويش يحصل لـو يطـول الانتظـار