قامت تقاطعني حلوق البنيات == ولا ادري صحيح العلم ولا خرافه؟
الرايقات الصادقات الجميلات == موطن ينابيع الدلع والترافه
امخططات لشي؟ مدري بريّـات == أسلوبهن تطغا عليه اللطافه
امروقتها تقول : عشقي من الذات == ولا فيه داعي للتعب والكلافه
واما رشيديه على كل الاوقات == تقول : احبك؟ والغدر لا تخافه
مدري محبة صدق؟ ولا هوا شات == يحب معشوقه ليال ويعافه
الاوله في ريقها طعم (كتكات) == والثانيه توفي وحلوى كنافه
يعني بسمع الاذن؟ عن جد حلوات == هرجن سمِـع ما فيه مخلوق شافه
لو تدري الشعار بتصير ثورات == على الحلا ماهي عشان الخلافه
وضاح لو يدري يخزن من القات == حتى يشوف العنز مثل الزرافه
واهل اليمن مالي معاها علاقات == لكن جمعنا بالزيود الثقافه
بكره يجينا من بعيد الولايات == شعار شيكاغو ! يبون الحرافه
ويمكن يجينا من بعيد المجرات == من كوكب المريخ عشرين تافه؟
شرحت ما يسكن ضميري فالابيات == عما نشوفه من خبال وسخافه
ولا بد انا اداري شعور البنيات == وما اجرح شعور اهل الدلع والترافه
بأعرس على الثنتين وسط القريات == (بترو) بعد شهرين حفلة زفافه


بترو هههه اسم دلع بترول تناديني فيه احدى معجباتي