لصعبت الدعوى تنصيت جمعان=انا وغيري منصوي للرجاجيل
ورد الثنا من عند مصلح سحيمان=يستاهله جمعان جمله وتفصيل
ابن رجاء للمرجله قمة انسان=بالمرجله يشرب خيار الفناجيل
عز الله انه للصعيبات مزبان=لامنها قلت عليك المداخيل
لاقال يافي والتجاريب برهان=سيفا" بيمنى فارسٍ" ينطح الخيل
لاجوه ناصينه طليقين الايمان=يفزع ولايدور وراها محاصيل
لطاب ماهي فزعت فلان وفلان=ليا إفزعوا يرجون منك المقابيل
لو للردى عنوان والطيب عنوان=عن الردى تحول الطيب تحويل
بالطيب ياخذ موقعه مثل من كان=اهل الفعول النادرين الحلاحيل
قلت القصيده مدح مني وعرفان=في حق من يستاهل البن والهيل