يقول اللي رسا بشط الأماني
تعلم من جفا طول السنينا
خذاني الشوق وأسرا بي ودعاني
معا قلبي سرينا وعازمينا
على طاريك بأمواجه خذاني
بحر فرقاك لي منه ارتوينا
قطعنا لك بحر مابه مواني
على موج الوله دورت مينا
وأَبحَرت بخفوق(ن) لك حداني
ولا أَدّري لوين احنا سرينا
سعيتك كثر ما ربي عطاني
أنا وقلبي على شاطيك جينا
نمني عيننا بشوفك ثواني
رغم هالبعد/ماجفت يدينا
وجيتك والوله فاض وكفاني
بلا قلبي يصيحك ! هالسنينا
وجيتك والبعد (جمر وكواني)
وصبر القلب لك كنه السجينا
وجيتك واثر شوقك لي نساني
وانا منهو حمله براحتينا
ودام اني وصلت لهالمكاني
ابتكلم انا وقلبي/ رجينا
و وَقَف كل حكين(ن) من لساني
وصار الدمع لك يحكي الحنينا
يقول اللي رسا بشط الأماني
بلا حبك /ترا ماعاد فينا