يعني تبي تقـفي ومن غـير توديـع
ماني بقـايل رافـقة الـسلامــــه
لاصار بتقفــل جميع لمواضيع
عســاك من جــرف وتطيح بــعدامه
يامــا حفظت اســرار حبك ولاذيع
ويامــا علي تــزيد جــور وملامه
ويامانهيـــتك لاتســاوم ولاتبيع
في حب منهــو رافعـ(ن) لك مقامه
كــان الحشى لـك ياحبيبي مرابيع
وتزهر علـــى جالـه وتنصب خيامه
وكان الــمطر شوقي وحسـي تناقيع
وكانت علــى غيثــه تغني يمامه
يامــا نهو قلـبي عنك بس مايطيع
وقالوا تـــرى ليلـك يزود ظلامه
واثره صحــيح ان حبك ايام ويميع
مثل الشــموع تـذوب قبل العتامه
ارحل لـو ان جروح قلــبي مفاريع
ارحل وانــا بجاوبــك بابتسامه
ابا اتركك لو كنت بعدك ابا ضيع
اضـــيع لكــن ماتمـس الكـرامه