تكفى يابومشعل عظيم المواجيب=امرك ينفذ يامدير الاداره
تكفى نخيتك ياعريب المجاذيب=لانك من اللي في مكان الصداره
تستاهل التقدير والمدح والطيب= يامن خذيت من الشجاعه وقاره
الرتبه اللي لبسوك المعازيب= رتبه على شرواك ماهي خساره
فزعات ابو مشعل تفك الاصاحيب= بالمعرفه والطيب واعظم شطاره
ماهي غريبه تحتمون المكاسيب=ابوك مشعل يستحق الاماره
جدك ثناء بمصقلات المحاديب=يوم انهاء مابين غاره وغاره
جيتك تعبرلك حروف المكاتيب =تفوح في صدري بحور الحراره
امسيت مثل اللي عليه المطاليب= واصبحت مثل اللي برجله اجباره
جتني عجوزن دمعها غرق الجيب = تقول اخاف من الزمن وانحداره
تقول ملها غير عبدالله امجيب = كثر السهر غير عليهامساره
انخاك يالوافي عطيب المظاريب= تكفى يابو مشعل تصدر قراره
******** type="text/**********">doPoem(0)***********