كثر الدلع مافداني معك يازين ** بالعكس خلى قلبك اليوم قاسي
كنت اتوقع منك عشق المحبين ** ياللاسف ماشفت منك غير المئاسي
طبعي معك دائم على الطيب واللين ** والمشكلة طبعك معي حيل قاسي
ماخفت من ربك وماشفت للحين ** شيبن تكاثر ياحبيبي براسي
يالي تعاملني بنية شياطين ** دايمن تحسسني بضعفي وياسي
قلبن يحبك عاف كل المزايين ** انا اشهد انك ثابتن فيه براسي
اتعبتني يآمنوة القلب والعين ** فضحتني مابين اهلي وناسي
خلاص انا ماقدر على طبعك الشين ** اما معزة نفس ولا إنتكاسي