اقتباس:
المشاركة الأصلية كتبت بواسطة بنت عرب 
حصلت هالردية باحد المنتديات واعجبتني ونقلتها هنيه
عساها تنال اعجابكم
الشاعر غازي الزغيبي ارسل قصيدة اعجاب بشعر شاعرنا الداموك
الا ياهجوس القيل عودي على العملاق=يبي عرضة الفلم الملون على الشاشه
تحت مجهر اللي فطنته وهبة الخلاق=يصور هدفها في هواجيس جياشه
عبيد الرشيدي سابحٍ ماهر فتاق=ليا اوحيت شعره يعطي اعجاب ودهاشه
يطش الهدف لا غر من جدعه التفاق=ليا زمه اللي غر تقنينه ارماشه
يجود هدفها لا تساوىو فكره راق =تريع عليه اللي من الغشم منحاشه
بعيد عن الهفوات ومضارب الاسواق=بعصر تحكم به موازين غشاشه
تبجح به اسماء يالرشيدي لها عشاق=وعشاقها ندري بها ناس معتاشه
الاواحسايف كيف بعض الامور تطاق=يضيع تراث اجدادنا العضم وعراشه
كانه يعيب الشعر ياطيب الميثاق=سمعنا وشفنا مقطع حسين وقماشه
على ساحة المسرح سفينه بالاسواق=على جال بحرٍ والهوامير في طاشه
ترسي على سيفه ويالله يارزاق=تجيب الخبير اللي حوى العلم في جاشه
مادام انها هاللون سلك الفقيه دقاق=مثل قيل ياحض البناد م ومحاشه
مقضي حياته لامضحي ولاملحاق=ولاجامعٍ مكسب ولاارتاح بفراشه
اقولة ونيشان القضيه بياض الهاق=يبين به العبرود يا عبيد لاناشه
يطول الهدف بلجيك والبرنو ام احلاق=بعيد عن الدقسه لو جاب رشاشه
وضيفه مرتبها نسميه فحص اخلاق=لها منصبٍ يحتك في ناس قراشه
يحقق طموحه كل جمعه يحط اسباق= يجنب قصير الناع مايدحم الباشه
ولكن يمر ابها زمن مرة البراق=ولايعيش في دورٍ قصر عنه ماعاشه
ووضيفه مرتبها لمن يستحق يساق=بها من مدير اليا عماله وفراشه
ولكن فيها عيب والعيب سوا و فاق=على حسنةٍ يوخذ بها نوع فرفاشه
وتمت معاناتٍ تحير بها العملاق=وخاطب زميله يطلب اسعاف وانعاشه
مع تحيات غازي الزغيبي اجابني الشاعر/عبيد بن داموك الرشيدي
هلا بالطروق ومرحبا فيك ياعملاق=يافخر القصيد وتاج عزه وشو باشه
هلا فيك ياللي ساق خيل الفزوع سباق=وراء الذود من خوف الطماميع تحتاشه
احييك يااللي صان عهد وحفض ميثاق=من السالف اللي يحتوي نصرهواشه
هدوه يطمع به عدوه وهو ترياق=لمن يستلذه ويتحرا تنعناشه
يشفه عدوه مادرى انه يباس ارياق=ليالتف ساق بساق يجدع العكاشه
سوات البحر هين شواطى وعسر اعماق=خبر دانته ماجابه اللي على طاشه
مالي عذر احوفه بالطوارف وبالاشناق=واغرفه مع اللي جاب دلوه ومقطاشه
الي غبته مركب ولي داخله مزراق=وهو حيرتاً فيه اكثرالروس منداشه
الايا هجوسي مالك الاصدر مشتاق=اليا طال دربه طال شوقه لمطراشه
على طرق غازي زاح ظل وسطع مشراق=مع الغانمين النفس شرهه وشواشه
عيوني تلد الشوف للبرق والدهاق=مع اللي يخيلون النواشي ورشراشه
على ديره مافي شجرها خضر ورقاق=هطل بالرياح وهوجها طير قشاشه
عجاف السنين وقسمة الخالق الرزاق=تزيح القراح وسلسبيله عن قشاشه
يقول الزغيبي مورده مر ماينذاق= تهول وهولني قطينه وهتاشه
واصوت على غازي بلاشي نحا وخناق=ترا السر خبله ماينوس تفتاشه
تخير ياغازي بين لاما وبين افراق=مادام العماوي قام يكثر تهقاشه
فراق الجباير والمحرول كسير الساق=وقبر زيد وا طياح النصايب ونباشه
هذا اول خيار وصفعة اللي مضا بطراق=وجحدان من سجو ولجو بلو لاشه
اذا انك تقول الجل ناحل من البواق=انا اقول راس الظبى مااشبع لعراشه
تعال ارسم اشكال الكروكي على الاوراق=لمن يقلعه نجم المريوه عن غباشه
محامي قضيه والمتاعب بدون انفاق=دفاع الرقود بوجه شرسه ومهتاشه
بها اشلع شلوع اللي من الوكر والمسباق=عقب ماشبكوه افلت من يدين خماشه
انا وانت بالطمعه وفي فلقه الفلاق=خشر والوعد خشم الحشيمه ونواشه
ترا الذنب صار اكبر من الصرح والعملاق=لياقيل للشايب يافند م وياباشه
******** type="text/**********">doPoem(0)***********
الاخت بنت عرب اشكرك نشر شعري المتواضع
وعلى كل حرف تكتبينه عن شخصي
بالنسبه للقصيدة فيها كسور كثيرة وهذا لست خطاك
بل خطا المصدر الاساسي الناشرللقصايد
امل من الادارة التعديل
وشكرأ بنت عرب وادارة الموقع والقراء الكرام