يـا آدمـي حـس ! مـا جيتـك تسمعنـي=الليـل بـرد وقصـيـدك مــا يدفيـنـي
تراجف عضاي ... صوت الريـح يوجعنـي=وأحـس شـي ٍّ تغلغـل فــي شراييـنـي
أحـس فـي خطوتـي يـمـك تنازعـنـي=كيـف اختصـار المسافـة بينـك وبيـنـي
خذنـي لصدرك... وشتتنـي وجمعـنـي=ادخـل متاهـات صـدري واحتـرق فينـي
ضيع أنـت فينـي وأبـي منّّـك تضيعنـي=فـي غابـةٍ تحتـرق فيـهـا عناويـنـي
خذ ما بدا لك ... حلالـك ! ... لا تراجعنـي=بعـض الطلـب ينهـي اللـذة وينهيـنـي
هات ... انفجر شوق , إزعل وارجع اصفعني=سو ..شي ... أي شـي ... إلا إنـك تخلينـي
أنـت الوحيـد الـذي بالحـيـل جوّعـنـي=بالحيل ... بالحيل ... لين ارتجـت سنينـي
وش يمنعك دام ما..به ... شـي يمنعنـي=يندهلك ... الجمر ... والنفنوف ... وايديني
أرجـوك فـي طبـع غيـري لا تطبعـنـي=مانـي مـلاك الطـهـارة ... لا تبريـنـي
غلطـان كانـك عـن الـزلـة مرفعـنـي=النار في داخلـي ... مـن بعـض تكوينـي
إيـه اشتهيتـك ! وصمتـي مـو بنافعنـي=لو الزم الصمت ... تفضح حاجتي , عينـي
للريـح قـط الـورق , للنـار واتبعـنـي=أمّا أنت ميّـت معـي , وإلا أنـت محيينـي