أحـلا الهدايـا ياحبيبـي هدايـاك
وأنته معي بالحـب كـل الهدايـا
أهديتني وأحرجتني صـدق ويـاك
وأخجلتني ما بيـن كـل البرايـا
وأنا بعد بهديك وأسعى لمرضـاك
وأكتب لك أحلا الشعر وأثبت وفايا
ياروح روحي جيت كلـي فدايـاك
يا مالـك ٍ بالحـب كـل المزايـا
يامملكة بالـورد والـورد يزهـاك
ياقاهـره بالزيـن حتـى المرايـا
كل النساء تعجز تسوي سوايـاك
أحرجنهـم ياتـاج كـل الصبايـا
ملكتـنـي مابـيـن ذولا وذولاك
حتى طبعت اسمك بوسط الخلايـا
ياعل يفدونـك نفـوس ٍ تحـداك
تبغى مواصيـل وسـوت سوايـا
والقلب عاف الكل بس أنت يبغـاك
يامالـك ٍ بالـروح كـل الزوايـا
وحدك بوسط القلب ساكن ٍ ومحلاك
وحدك ملكة اليـوم كـل الحنايـا
اسقيتني عذب الحكي من شفايـاك
اتعبتني في همس ذيـك الشفايـا
انت الأريـج وكـل وردي تمنـاك
أنت الشروق ونور نـوّر مسايـا
ورد وعطر يازين ما احلا عطاياك
وأنا قصيد أعطيك واقبـل عطايـا
يالله عساها ماهي أخـر هدايـاك
ياللي وجودك في حياتـي هدايـا