الله ياكون(ن) جرى فى نهار امس 00تشوف قدح الملح مثـل السحابـه
دم النشاما سايل(ن) كنـه الدبـس000تسعيـن لحيـه كلبوهـم قـرابـه
حنا حبسناهم بوادى الغضى حبس000حتى امتلا ذاك الجبـل والشعابـه
وتلبست بالدم خيـل العـدا لبـس000وكم ابلجن منهـم قصرنـا شبابـه
وكم خفرتن من ضربنا شقت اللبس000لبست سواد عقـب زاهـى ثيابـه
هـذى عوايدنـا لا ثـور القبـس--نلحق على درب الطلابـه طلابـه
حنا هل العاده سلايل بنـى عبـس000كم عايلـن يزمـى وحنـا عذابـه

منهو شاعر القصيده وبين بني رشيد ومن ترى فيها اختلاف نبي منك العلم

يابن براك

ويقول شاعر يقولون اسمه الاويرك
يوم أخو عيده غزانـا وانتوانـا===غافلين القلـب ماجانـا نذيـره
مادرينا غير من جمـعٍ وطانـا===ساعةٍ تنسى بها المرضع غريرة
ماحلا صفـق الهنـادي بقبلانـا===ليـن هللنـا عليهـم بالكسيـرة
ماخسرن شيب العجايز في غذانا===ماخشينا جمعته لو هـي كبيـرة


وعطني رايك حول هذه القصيده وهل هي صحيحه
وقال باجح بن عبيدالله العنزي عندما كان مجاورا لجماعة من قبيلة بني رشيد قصيدة منها هذه الأبيات :

ياعيد سلم لي على فويـد وعبيـد.....وسلم على عايـد وكثـر سلامـي

واثنـه لعشيـق البنـات المناهيـد.....وعشير من نهده على الصدر زامي

قل ماينفع المحزون كثر التواجيـد.....من عقبهم عيـت عيونـي تنامـي

يـاوي جيـران يعـزو ياعـيـد.....من رافق الطيب عن العفن شامـي

برفافهـم تلقـى الـدلال البغايـد.....ومحماس بـن دب الأيـام حامـي

ياليتني معهم علـى كيـف ماريـد.....ريف الضعيف مسيحيـن اليدامـي

مـن لابـه يستاهلـون التماجيـد.....رشايـدة ودخيلهـم مايضـامـي


يقصد بفويد فايد الغرو الرشيدي وعايد جهيمان الرشيدي وعبيد حمد بنيان الرشيدي وعشيق البنات نوران جهيم الرشيدي

بعد ردك عندي بعد مداخلات اذا سمحت لي يالامير