تجر بشتك وسط لندن وانا اشوف
كنك تمشى وسط سوق المنامـــه
ماتدري ان الدم واضح ومعرووف
عليك من دم الخليج العلامـــــه
ومن الحيا تلبس عبايه ونفنــــــوف
لكن ماكملتها باللثامــــــــــــــــــه
يالوف قلبي لوف لوفٍ على لــــوف
لوف العقاب اليا انصرم للحمامه
جتني تهز الخصر والبطن ملهــوف
صدر القطاه وشايلته الزعامـــــــه
اليا اقبلت يمك دخل قلبك الخـــــوف
صويبها ماينقلنه عظامــــــــــــه
واخذ الرصيف وعد بميات وولـوف
ماشي ومن مرك عطاك ابتسامه
ينطحك شقح بكار ومهار وخشــوف
راع الغرام وجددتله غرامـــــــه
في ديرة في قيضها نلبس الصـــوف
تنزل رذاريذ المطر من غمامـــه
فيها المناكر وابشع الفسق مالـــوف
ماكن قافيها عذاب وقيامــــــــــــه