عوايد روحك اتطلعني من احساسي ليا شان
وبالذات انت تقدر حتى من انفاسي تطلعني
[وانا اسف اذا اتعبتك معي باحساسي الغلبان]
انا ماشي بحضن الليل وعيا الليل يوسعني
بنام مفتح عيوني لاني منجرح اجفان
ووجهي للسما وفيها مرايه لي واطالعني
لواني ماشي دربي صح ماتنقفل البيبان
وماكان الدرب اذا انهيته من الاول يرجعني
وش ابي من العمر؟الااني اعيشه وانا انسان
انا ابن آدم على الفطره مقاديري تسنعني
انا مع نفسي صادق حتى لو اني كذبت احيان
واذا قيل ان فيه انسان كذبه صدق ..انا المعني
احس اني لو اكذب ينقلب احساس بالوجدان
من احســاس يطمـــني..الى احســاس يروعــني
يافاهمني تخبر الليل بالوحشات..ليل جنــان
وانا من الشوق جمر..والهبايب لك تولعـني
يافاهمني لو اكتم عنك..واجاوبك بالجحدان
[لبوحي صوت..ماعمري سمعته..وانت تسمعني]