السلام عليكم ورحمة الله وبركاته
اخواني الاعزاء حدثت محاوره كبيره تجمع الشاعرين ثنيان الرشيدي (الامبراطور) ناصر المرسال
وتألق كلا الشاعرين وابهرونا بما قدمو من فن المحاوره
وكلا الشاعرين نفتخر بهم انهم من قبيلة بني رشيد
واتركم الان مع المحاوره واتمنى لكم الاستمتاع بها
وكانت البدايه عن الشاعر القدير ناصر المرسال ::::
ويقول المرسال :
سلام من البلاد الطاهره واطهر بقاع الكون = هي ابلاد الحرمين الشريفين السعوديه
نتيجة لجنة المعنى تبري لجنة المليون = غريبه كيف غابت عن صحافتنا الخليجيه
الامبراطور ثنيان رد :
هلا يامرحبا يامرحبا يالشّاعر المضمون = اقوله من بلاد العرب والارض العربيـه
نتيجة شاعر المعنى تحط النار بالغليون = لو اعطوك البطاقه قلت ناسٍ تصلح النيه
المرسال :
مجالس عبس درس من الدروس وزايد الميمون = جمعنا وجتمعنا والمواضيع اجتماعيه
انا بالعلم داين لاتطلع صورتي مديون = ياليتك ياثنيان الرشيدي عندي هنيه
ثنيان :
مجالس عبس تاريخٍ تليد وبصمة ٍ بالكون = تظاهي مال قارون بمدارسها المجيديه
انا ماقلت لك خاسر ولا قلت الك ما من لون = ولو اني بجنبك مات سم الداب بالحيه
المرسال :
يشوفون الكواكب ناس لكن ناس مايشوفون =لكل انسان فيهم عين فرعيه وحدريه
تعداني سحاب الوسم واسقاك السحاب بهون =وانا اللي واقفن بالشمس دايم وانت بالفيه
ثنيان :
ياصل للكواكب غير ناسـن للعـلا يرقـون=وبعض الناس راسه شاب لا هـاذي ولا ذيـه
غريبه كيف تضمى و أنت عرقن بالثرى مدفون=وصل عمرك الي خمسين يا عشريـن بالميـه
صح لسان الشاعرين وماقصرو
ترتيب المحاوره وتنسيقها اهداء مني لكم
اخوكم : صـــالـــح الـــرشـــيـدي
http://www.iraqal3ad.com/rahman2.gif