السلام عليكم ورحمة الله وبركاتة
ياهلا فيك ياخوي عبدالعزيز العويس
وشكرا لك
اقتباس:
المشاركة الأصلية كتبت بواسطة الشمالي
اخوي ابو صالح
ممكن مرجعك اذا سمحت اخوي
|
تراني مافهمت عليك بالضبط ياخوي الشمالي ويامال العافيه على المرور طال عمرك
بس اذا اردت الموقع الالكتروني الذي استند عليه في موضوعي هذا فاابشر طال عمرك
الموقع هو موقع حكومي امريكي لمراقبة الارصاد الجويه وهو موقع متجدد يتابع صور الاقمار الاصطناعيه والمنخفظات الجوية والاعاصير
الموقع طال عمرك حسب تجربتي موقع دقيق ويعطي معلومات دقيقة ومجال الخطأ فيه بنسبة 10 الى 20 بالميه
يعني اغلب مايقدمه الموقع من الاخبار صحيحه بنسبة 80 بالميه تقريبا
بصراحة انا متابع للموقع منذ سنتين تقريبا
الموقع من افضل المواقع التي زرتها في مجال الارصاد والاحوال الجويه
هذا الموقع يعطيك بالتفصيل لمدة 5 ايام مقبله وبنسبة 80 بالميه واذا كان هناك تغير في مسار السحب والمنخفظات الجويه فانه يعدله يوميا
كذلك الموقع يغطي العالم كله ولكنني مهتم في منطقة الجزيرة العربيه والشرق الاوسط
اخي الشمال طال عمرك
هذا الموقع شامل لكن يحتاج الى المام باللغه الانكليزيه ومعرفة بالاشياء الفنيه التخصصيه وانا بالامانة لست متخصص في مجال الارصاد ولكن مهتم ومتابع وباحث صغير ومبتدئ في هذا المجال واسال اهل الاختصاص حتى تولدت خبرة قليلة جدا وعسى الله يبارك فيها
انا حاضر لاي سؤال طال عمرك استطيع ان ارد عليه
هذا اللينك للموقع
http://wxmaps.org/pix/casia.vv.html
هذه خرائط وعليها تركيبات المنخفضات الجوية لمدة 5 ايام قادمة ولاحظ اسفل الصورة التوقيت بالضبط والتاريخ لكل خريطة
وهذا اللنك ايضا لحرارة الطقس على سطح الارض
http://wxmaps.org/pix/casia.850.html
لاحظ الدوائر او الكنتنورات وعليها ارقام وهي عبارة عن درجة الحرارة على سطح الارض ولمدة 5 ايام
وهذا الموقع الرئيسي للموقع
http://wxmaps.org/
وهذا ايضا الموقع كله للعالم كله وبشكل شامل
http://wxmaps.org/pix/forecasts.html
حاضرين ياخوي الشمالي ونحن على استعداد لاي سؤال طال عمرك وعسى الله يخليلنا معزبنا أخونا الشاعر غازي البراك حفظه الله
ابي اقولك شيء ياخوي الشمالي بس لاتضحك علي طال عمرك
عندنا بالكويت طال عمرك دواوين ونفتر عليها بشكل بدوري
وتدري من شيم اهل الايمان انهم يرجون الله في هطول الامطار ومتابعتها واذا اصابهم رب العالمين برحمة منه فاذا هم يستبشرون
من عادتي انني اتحدث بالدواوين عن احتمالية سقوط الامطار واعتمد واستند على هذا الموقع وذلك حسب تجربتي
يعلم الله من ادخل الدواوين واسولف مع شيبانا وكبار السن بانه سوف يهطل امطار علينا بعد يوم او يومين واكرر دائما بان العلم عند الله وحده
صرت لاجيت الدواوين يرحبون فيني ويهلون بالحيل وبعضهم يقول جاكم راعي اخبار المطر هههههه
وخاصة في تلك الاوقات
لاتلومهم يبون يعرفون ويتفاؤلون بالخير
واهم شيء ياخوي الشمالي يجب ان نؤمن ايمان صادقا بان الله تعالى هو الذي ينشئ السحاب الثقال ويرسلها كيفما يشاء ويصيب برحمته من يشاء وبيده الخير والله على كل شيئ قدير