عرض لي غزالن ماشين في الطريق عصير
على شارع(ن) كل الخلايق يرودونه
وانا ماشي (ن) دربي ولكن عكست السير
من اسباب غرو (ن) يذبح الناس بعيونه
شبيه المها سبحان من صوره تصوير
بعنقه وخده يشغل اللي يشوفونه
دقيق المعنق لا طويل (ن) ولا قصير
مع قذلة(ن) فوق الحجاجين مقرونه
يتل الضماير تل حبل الرشا في البير
ليا من تقطع في يدي اللي يتلونه
انا شفت غيره لكن الزين شكله غير
ولا فيه من شكله ولا فيه من لونه
ويقولون خير و قلت ويني وين الخير
وانا الروح في زين التواصيف مفتونه
با قول القوافي فيه واللي يصير يصير
علشان عشاق المحبه يغنونه