السلام عليكم ورحمة الله وبركاته
أرتاااااح لامني توااصلت وياااااك
ويزول هم" داخل القلب موجود
مدري؟!وش اللي فيك يازين خلاك
تملك زمام الود من دون مجهود
كل الغلا لغيرك يجي تحت ماطاك
ومن مملكة قلبي مهاجر ومطرود
ياسيدي كل الحواسيس لإرضاك
وأنا بعد لأجلك من الحب مشدود
جندي الهوى ياسيدي صار بحماك
ليتك تحطه داخل عيونك السوود
على شؤونه كلها دوووم ولااااك
وأخذ على نفسه مواثيق وعهود
إنه يصوونك ولايخوونك بدنياااك
ويزرع لك أشواقه بساتين وورود
جيتك وفا وقبلي كل الوفا جاااك
هارب من أيام الشقى جيت للجود
من قاصي الدنيا أنا أخترت دنياك
أنت الوطن يانفحة الطيب والعود
فرحة حياتي هي وجودك ولقياك
أما بدونك بااقي العمر معدووود
حاشاك ياقلبي من النقص حاشاك
يااللي غلاك بداخلي دوم في زود
والله لو تدري عن الروح لأطراك
لتسهر ليالي الشوق والعالم رقود
والله لو تدري بحااالي بليااااااااك
إنك لتقول إني من الكون مفقود