يازين بصبر واشرب المر وامرار
لو تنقلب دنياي همً علـى هـمً
ولو اني طريح فراش بداخل الدار
ولو تنزف عيوني بدل دمعها دم
لو قلبي الملهوف تصلاه بالنــار
اوتسقي العطشان كاسات من سم
انت الحبيب اللي ماغيرك اختـار
وماقلتي يافتـان جاوبتـك بسًم
رسمت لك يازين بالقـلب تذكـار
واهديت لك روحي ولا قلت من كم
مدري وش اسمـيك يازين محتار
والـزين لك بسـتان والعز محزم
وانتي حنان الحب تجري بك انهـار
ولك طلت(ن) تجري بها الهم والغم
وانتي الحبيب اللي له القلب يندار
ياجـوهر الالمـاس يالولو اليـم
طيفك معاي يازيـن في كل مشوار
مقدر على النسيان والقلب مغرم
لـو العـواذل فـرقونا والأقـدار
لابد شـملً بعـد تشـات يلتم