دار الكلام وثارت البندق بنار=واخترق رصاصها عمق المشاعر ياقهر
شد الكلام وزادت النار إستعار=واحرقت باذيالها عامين والثالث شهر
خاف الكلام يردد القصه مْرار=وازداد خوفه يوم قرّب ينفجر
تاه الكلام بحيرته بين الحصار=يخاف ثورة بندقٍ ثارت عصر
زرع الكلام وحاصده يجني ثمار=الشـوك شـوك و زارع النخله تمر
لان الكلام وبعدها زاح الستار=مسرحية شاعرٍٍ وأبطالها سطر و سطر

ياحلوتي لو تسمحين إسمعيني=دام العواذل راقدين(ن) سْباتي
قربك شموع(ن) نوّرت لي سنيني=والبُعد والله هو سبايب شقاتي
إسمك نقشته بالخفوق الحزيني=وإنـساب في دمِّي وكلِّي بذاتي
مافيه غيرك بالملا محتويني=لو شدّت العربان قربك مباتي
في أي صوره تشتهين إرسميني=تحكّمي فيني و خوذي و هاتي
وابدي لي إحساسك..وقولي تبيني=أو ماتبيني وإختفي من حياتي
مادام طيفك ماتهيّا يجيني=حتى بحلم الليل يرفض لقاتي
ياحلوتي..لوتسمحين إمسحيني=من ذكرياتك واكتبي ذكرياتي