اشكر الاخون الاعضاء على ردودهم وطرح ارائهم
ومع كل ذلك اخونا هاوي متمسك برايه وهذا شي راجع له شخصيا
وكل واحد يتكلم حسب عرفه
وبصراحه انا حصلت على هذه المحاوره بين الشاعرين الكبيرين
حبيب العازمي وفلاح القرقاح
حيث ان كل واحد من الشاعرين اورد بيت
الشاعر الكبير سعد بن جدلان من قصيدته المشهوره (كل ماشبيت نار المحبه مع حبيب)
(واكيد انهم عارفين القصيده )
وهذا على كلام هاوي سرقه وليس توارد خواطر
ملاحظه:رد من ردود هاوي
(اخي العاقل1 تورد الخواطر ليس هكذا
كما لمعلوميتك ان تورد الخواطر عندما يكتب الشاعر ابياته وتتشابه بدرجه كبيره مع ابيات شاعر ثاني وهو لايعلم عن ابيات الشاعر الذي سبقه وليس توارد الخواطر اتذكر رد الشاعر مستور العصيمي على تركي واركب بيت مثل بيت تركي
الميزاني وجي واقول توارد خواطر ( معصي )
(وعلى كذا اذا حبيب والقرقاح يسرقون وهم بغنى فكيف الشعار الاقل خبره)هههه
...واليكم المحاوره وهذا ردي على هاوي ومنهم على شاكلته:::
حبيب العازمي
يامرحبا بالشاعر الي خابرينه فالجنوب
يشب ناره من زنوده والرشاش يرشها
مدري يضيق به الفضا وإلا تضيق به الدروب
ان كان تاقف خلها وان كان تمشي مشها
فلاح القرقاح
النار لامني قدحت زنودها شبت شبوب
وان كان سلمت يدك منها حب يدك وخشها
انتم تحسدون اليتيم الي شرا للعيد ثوب
مامنكم الي قال ابمسح دمعته وامشها
حبيب العازمي
انا جبل راسي وقاسي ماتحركه الهبوب
وإلا أنت قشاش الحطب لابد مايقتشها
بعض اليتامى ماوراه الا المشاكل والذنوب
والا انت لوجدتك حيه ماعليك تغشها