عندما يبدع الفكر يتحدث القلم ..... وعندما تقرا له نصا شعريا تلاحظ بانه يرسم بريشة الكلمات لوحة ملونه بالمعاني الجميلة ... هنا يبدع شاعرنا الشاعر / حجي بن فرحان الرشيدي
ــــــــــــــــــــــــــــــــــــــــــــــــــ ـــ
طهور يا راع البويضا وماجور0000و الله يردك يا فهد بالسلامه
في جاهـ من يجلى أسود الليل بالنور0000رباً بضوح الفجر يجلأ ضلامه
ياشيخنا اللي للمهمات مذخور0000يا ابو الوفا والطيب وابو الشهامه
جيتك وجاك النائب وقول مشكور0000وقدر مقامك عزز الله مقامه
عبدالعزيز بن سعد وافي شبور0000عزالله أنه يستحق الزعامه
شرعلك البيبان للي يبي يزور0000وللي يبي يسوي لشوفك كرامه
وعبدالله اللي بالمهمات مشهور0000ياسعد من صار ابن خالد حزامه
وافي وفعله طيب العرف مخبور0000من طيب ابوه ومن خوال وعمامه
وافي يابن ناهس وفارس ومسطور0000وفي ذمتي مافيك ساس الرخامه
تتبع هوى وضحن لهن بالقى دور0000وضحن لهن بالذود فرق وعلامه
وضحن طوال ارقاب واعراض وانحور0000متوخرات سنام وطوال قامه
عن جيتك لو أعتذر ماني معذور0000لو أعتذرت الحقت نفسي ملامه