واتلِّ قلبي من المقفين وآتلَّه=تلَّة يتيمٍ صغيرٍ حالته حالي
حالت عليه الهموم ومدمعه هلَّه=دارت عليه الدوايروالزمن مالي
وآتل قلبي على المسكين وآتلَّه=خلاَّني انظم على طاريه الامثالي
تلَّة غريرٍ رمى وبعين أخت(ن)له=ثم انتحربعدها مقهور بالحالي
وآتل قلبي من الإرهاب وآتلَّه=عذر(ن)تعذَّر به اعدائي وعذَّالي
يحفظْهِ ربي بترحاله وفي حلَّه=محمد..النايف اعلى قمه..و..عالي
وآتل قلبي فتاة القدس محتلَّه=ماهي حسافه تضيع احلام وآمالي
تلَّة صويب(ن)ولفّ الحبلِ في كلَّه=يصرخ ورى مهرة(ن)قدصابه جفالي
وآتل قلبي على بغداد والحِلَّه=ينهش بها كل خوّان(ن)ودجّالي
تلَّة أسير(ن)عدوّه قاسي(ن)ذلَّه=يرقد ويصحي على تعذيب الإذلالي
يازارع الورد عطني ورده وفُلَّه=أبي ازرعه في جوانب درب الاجيالي