أبستشيرك كان عندك مشورة=ياراعي الطولات يانسل خنفور
يابن الرشيدي يالسنافي ضرورة=حاولت أخفِّيها أسابيع وشهور
ريمية(ن) يجرح شعوري..شعوره=وانا على لقياه بالحيل مجبور
بعيونها فتنة..خجولة جسورة=لاسلهمت بالرمش..ساحرومسحور
كنّ القمر يزهى نحرها..بنوره=المعذرة..كن القمر يطلب النور
وكن الحلا محتاج يرضي غرورَه=بين الثنايا لين ينساق مغرور
من رجلها لآخر جدايل شعوره=ماصار مثله بين الأجواد غندور
أبستشيرك وأنت راع المشورة=حيثك على طب المجاريح دكتور
ريمية(ن) يجرح شعوري..شعوره=منّه أنا محكوم الإعدام بالزور
شدَّت شباكه..تحسِبَنْ من طيوره=ماتدري إنِّي في هوى الخل مأسور