هاذي الابيات لشاعر/لافي حمود الحربي
اقبل يحرك خطوة الرجـل برفـوق ..........
والقـاع لمصافـح خطـاه يتشـوق
مخلوق لكنه ماهـو بـأي مخلـوق..........
علـى بنـات آدم وحـوى تفـوق
عليه لبس ٍ يجمع الوسع والضـوق .........
موسع ٍ بعضه وبعضه مضـوق
مر .. وتعدا مابـدا منـه منطـوق .........
الا انـه بجيـش المفاتـن مطـوق
خلاني امشي واقضب الدرب واتوق ..........
مانـي بتايـق عقـل لكـن متـوق
تقول مرمي ٍ على الارض من فوق ...........
والا من السم ﴿السقطري﴾ مـذوق
يغفى علي شـوي وشـوي ٍ افـوق ............
واقـول لاستيقضـت والبـال روق
مدام لامعـوق والا صايبـه عـوق .............
وراه يمشي مثـل مشـي المعـوق
اللي على حاله خطر من هل السوق ...........
مفروض يمنـع مايـروح يتسـوق