عواكيس
* الاخ معوكس لو ينتقل ياسر القحطاني للنصر مثل فهد الغشيان ماذا يصيب عشاق الهلال، هل سيتأثرون بذلك؟
متعب صويان
- يحلمون
* صاحب المليون رسالة معوكس تحية وبعد، وش اخبار بيان الاتحاد الاحتجاجي ضد تأجيل مباراتهم مع الهلال؟
عبدالرحمن الضويان-العليا
- علقوه في المتحف مكان الكؤوس المفقودة!
* قاهرهم وحابس دمهم معوكس ودي اعرف ليه بعض الاعلاميين المحسوبين على الاهلي تاركين فريقهم وحاشرين انفسهم في موضوع التأجيل؟
عبدالملك المرشد -جامعة الملك سعود
- هذا اللي خلاه من جرف لدحديره
* انا ما اصدق يامعوكس ان فيه جماهير واعلاميين تشجع ضد نادي سعودي في مهمة خارجية؟
حمد الدوسري ابو مبارك - العزيزية
- في هالزمن صدق يابو مبارك ويازمان السمسمية وش بقي ما ظهر؟
* الحبيب ابو العواكيس تحية طيبة، شوف هالقنوات صارت تستضيف كل من هب ودب وخذ ياتنظير وخرط فاضي؟
عبدالاله المنصور - الرياض
- اقول فشلونا الله يفشلهم وأضحك على اللي يبي يأجل مباراة فريقه في الدوري عشان بعض اللاعبين مصابين!
* وش اخبار "المدرسة" نادي الرياض يابو العوكسة عسى اموره تسر الخاطر؟
عاشق المدرسة ابو رياض- العريجا
- اموره تسر وتوسع الصدر في البلوت والكنكان!
* عزيزي معوكس وش رأيك في مدرب النصر زينجا ؟
عاشق "العالمي" - الرياض
- كنه محل غوايش متنقل في الحلة!
* ابو العواكيس ليش عقب اربعة الغرافة تمنيت ان الدعيع ما اعتزل، ياحسافة على ابو عبدالعزيز؟
عبدالله السنيدي - الرياض
- ابو علي الله يهديه في الذهاب نجم وفي الاياب يسبح في الهواء فوق رأس يونس؟
* عزيزي معوكس بيان الاتحاد ما درى عنه رئيس النادي ولا نائبه؟
سلطان السليمان - القصيم
- الا دارين عنه بس ما دروا عن مؤجلاتهم العام الماضي!
* الحبيب ابو العواكيس شكل جيرتس على عناده راكبا رأسه؟
مساعد العتيبي - الرياض
- اجل رأسه اتوماتيك
* الاستاذ معوكس تحية طيب وش اخبارك جوالك الضائع بالعيد عساك لقيته؟
صديقك علي ابو ثامر - سوريا
- ابشرك لقيناه ولقينا رسائل المعائدة!
* الاخ المحترم معوكس تحية طيبة وش اخبار محمد نور مع جوزيه؟
محمد الراشد -جدة
شكله ماعاد يتنفس يبي يضمنها!
* المكرم ابو العواكيس تحية حارة يقول مهاجم الاهلي البرازيلي واندرسون ان تشلسي واجاكس زعلوا يوم وقع ل"لقلعة"، تعليقك؟
الاهلاوي خالد حمد
- وزد عليهم برشلونه وريال مدريد؟
شباب الهلال والنصر يهزمان التعاون والوطني
الرياض- خالد الحربي
أسفرت مباريات الجولة السادسة لكأس الاتحاد السعودي لكرة القدم للناشئين للفئة الممتازة التي أقيمت عصر أمس (الخميس) عن خسارة الأهلي أمام ضيفه الفتح 1-2، وتعادل الطائي مع الشباب 1-1 ، وفوز الهلال على التعاون 4-3، والاتحاد على الوحدة 2-صفر، وكسب النصر ضيفه الوطني 4-1، وتعادل الاتفاق مع ضيفه حطين صفر-صفر، وبهذه النتائج يتصدر الشباب المجموعة الأولى برصيد 13 نقطة، فيما يواصل الهلال صدارته للمجموعة الثانية برصيد 16 نقطة