[poem=font="simplified arabic,6,black,bold,normal" bkcolor="black" bkimage="backgrounds/17.gif" border="double,4,black" type=1 line=0 align=center use=ex num="0,black""]
يامرحبا ترحيب عن كل ترحيب=بضيوف ربع ٍ طيبهم ماجهلناه

يامرحبا وثني وعيد التراحيب=بسمي وبسم اللي دعانا وجيناه

مانعتبر ضيفان حنا معازيب=في حفلة اهل الطيب والعز والجاه

عند السوالم مكملين المواجيب=اهل الكرم في سابق الوقت وتلاه

على كرمهم تطلع الشمس وتغيب=بيت الكرم شيد على العز مبناه

وان عودت لطيب هم منبع الطيب=العود الاول ورث الطيب لابناه

من جدهم سالم عطيب المظاريب=شيخ ٍ ينومسهم بذكره وطرياه

حق التفاخر في قليل العذاريب=لاصار طيب تفعل الطيب يمناه

والذيب ينجب ذيب مثله يجي ذيب=وانتم عيال الذيب مثله وحلياه

انتم خصام الضد عز الاصاحيب=رجالكم تلجا الرجاجيل بحماه

قبل الحكم يوم القني والمشاعيب=يوم القوي لاجا الضعيف توطاه

وانتم لكم هيبه تهز الاجانيب=يدري به اللي فعلكم ماتناساه

وباق العرب عن ظلمهم ننفض الجيب=مانغط ذكر شوخ قوماً مسماه

شيخان نجد ان غثربن المشاريب=كلا ٍ رفع لعداه سيفه وشلفاه

وانا من اللي يوم قل المزاهيب=والبيض من زود الكرامه تنصاه

العجوني يبعد عن الشك والريب=ابعد من جبال اليمن عن مروراه

والمعذره مدحي لربعي ماهوعيب=واللي زعل من مدحهم مطلب ارضاه

الطيب وهبة عالم السر والغيب=كلا ٍ وهبه الله من الطيب وعطاه

وهرج ٍ بدون اثبات يخطي ولايصيب=ويحق للي ماقتنع فيه ينفاه[/poem]