قالوا رشيدي قلت من نسل شجعـان=وقت المعارك مـا عرفنـا المذلـه

شف الرشيدي لا عتلى صهوة حصان=رديهـم مـا يعـرف الـمـوت لله

وليا انتخى العبسي بزوغات الاذهان=وسود الملاثـم بالفضـاء زغرتلـه

يارد عليهـم ورد هايـم وعطشـان=وسيف الشجاعه من جرابـه يسلـه

كم راس قـوم بالمعـارك ليـا بـان=خلوه ربعـي طايحـن فـي محلـه

بني رشيد اللي لهـم بالفخـر شـان=ياسعـد منهـو باللقـاء عزوتـلـه

وسامة الكفه عـن الضيـم مزبـان=مـن ضـاق يزبنهـم ولاحـد يذلـه

تلقالهم في عالـي المجـد مسكـان=قبيـلـه رؤس المعـالـي تحـلـه

تلقـى مجالسهـم شبـاب وشيبـان=وساع الصـدور ويطلقـون الاهلـه

تلقى الكرم في داخل البيت عنـوان=سمن الشحم والعـود الازرق ودلـه

والجار جار البيت معزز ولا يهـان=نفنى ويفنى مـا سمـع ربـع زلـه

خويهـم مـا دام معهـم كحـيـلان=حلـو النبـاء وقلوبهـم مسكنـلـه

خوة رشيدي موثقه بكل الأوطان=خوةرشيدي والخوي مانمله

مدحي لربعي ما ازعل فلان وفـلان=ياغير من فـي داخـل الكبـد علـه

يكفي قليل الهـرج والعلـم نيشـان=لحصر المزايـا مـا تكفـي مجلـه

وصلاة ربي عـد همـال الامـزان=وعداد ما فـي الكـون دقـه وجلـه

على رسول الهاشمي نسـل عدنـان=ارسل بديـن الحـق والديـن كلـه