دامك من أول قصير حبال يابن الحلال= مافيه أمل بأخر أيامك حبالك تطول
خلك وراء ومتثني مثل سمل الحبال= اللي على دار بدوانٍ لهم كم حول
كلمة نعم مالها يمك طريق ومجال= عدت عليك وتنصت طيبين الفعول
اللي نظرهم عليها من قديم ولازال= تشقى وتتعب وراها طيبين الاصول
اللي بها الطيب يعرف من عمام وخوال= ولا انت فيك الردى مصبوب من كل جول
ساس الرداء فيك ويحدك لروس الجبال= حتى تطيح امتبين للعرب يامهبول
واكبر دليل أعتراضك طيبين الرجال= وهذى من اللي يعجل لك سريع النزول
لاتسب ناس تمنى فعلهم بالخيال= لاكن بالفعل ماتصله صعيب الوصول
واللي يسب الرجال أهل الفعول الجزال = ماله سوى غير قولت جعل رأسه يزول
والطيب وهبه من المعبود رب الجلال= ومن لا وهبه الولي صعب(ن) لونه يقول