ودي اسوي قصيدة ودي انثرها سوالف=كيف نقلبها سوالف دامها بيت وقصيده
كيف اعومك يابحر في قاربن ماله مجادف= الرياح ان هبهبت موج البحر خطرن يبيده
وان قلبناها قصيده رن رادار المخالف=كل شاعر حط له وجهة نظر ماهي جديده
ودي اخذ ودي اعطي ودي اشرف بالمشارف=ودي ابين حقايق بالقريبه والبعيده
لكن الوقت انتهى والقلب مرهوبن وخايف=لو نقول الصدق صارت سالفه ماهي قصيده
العلوم اكثار والدنيا بها نايم وشايف=اه ياكبر الخطاء لوقلت لك شيء تريده
القلوب امقفله والرزق بالجرف المهايف=مانبي رزقن يوصلنا على درب المكيده
والله اني كل ماقلت ابحث الوضع المسايف=طق في راسي ولد جني وحضر لي عبيده
انتهى المشوار والدنيا بها مقبل وطايف= ومن يطوفك طنشه والوقت ملزومن ..يعيده