عواكيس
* عزيزي معوكس في مباراة النصرمع الفتح ومع توافد الجماهير للمدرجات تمنيت وجودك في مدرج الشمس؟
اخوك المشجع النصراوي الوفي
لافي صالح العنزي
لاتخاف انا معكم بالتصويت قلبا وقالبا ..
*الاستاذ معوكس وش رأيك باللى يحصل في العالم يوم جابو الاخطبوط بول واختار اسبانيا وبعدها استراليا جابو تمساح ويش رايك نجيب ضب يختار بطل الدورى ونعرف من بدرى؟
تقبل تحياتى ولك ودى
خالد العنزي
اسكت لايصدق بعض الناس ويروح يدور على جربوع
*هل شاهدت مستوى الحكام السعوديين في الدوري خصوصا في مباراة التعاون والفتح وماهو تعليقك ايها العزيز على شرودهم الذهني؟
حمد الناصر - بريدة
لاتلومهم مشغولين بحبيب القلب
* الاخ معوكس ماهي اكلتك المفضلة في شهر رمضان أعاده الله عليك بالخير والبركات؟
صحن قائم العنزي
حشا الاخ مدير مطعم
* البروفسور معوكس وش الفرق بين الفنان عباس ابراهيم والحكم ابراهيم عباس؟
خالد الرفاعي - جدة
الاول فنان مميز .. والثاني فنان بالتخبيص في المباريات!
* ارشحك يامعوكس ان تترأس لجنة تدرس اسباب هزائم الاهلي ولكن من ترشح من الاعضاء ينضمون معك لمساعدتك؟
جمال باراشد - الباحة
نأخذ رأي الهليل وصياد عشان نصير مثل احمد زايد مع القروني وصالح خليفة مع باخشوين.
* اريد اعرف وجهة نظرك يامعوكس في مداخلات بعض المدربين الوطنيين وظهورهم الفضائي ومدح بعض المسؤولين؟
فواز الرشيد - الرياض
السالفة كلها تدور حول التشكيل القادم بس انت ما فهمت وعلى بالهم (يلخمون).
* معوكسنا القديم شفت الرائد هزم الليث؟
ابو سامي- بريدة
انتبهوا بس لايتكرر سيناريو العام الماضي
* هل تعتقد يامعوكس ان لجنة الانضباط ستتخذ قرارات صارمة ضد احداث لقاء التعاون والنصر؟
زويد الفالح - عنيزة
تعتمد على من المخطيء!
* منهو ياخ معوكس العضو المؤثر اللي يقولون انه رجَّع محمد نور؟
سعيد بارمح- جدة
- هذا واحد مؤثر على بعض الناس ويظنون انه مؤثر عند غيرهم!
* صراحة يامعوكسنا ارشحك لحراسة المرمى لأنك تتميز بالرشاقة حسب ما علمت بس انتبه لايجيك مايجي الشاطر حسن قدام الفيصلي يومه "يكشت" عن الباب؟
سالم الداخل - الدمام
ابو علي ما يخلي عوايده والحل يجيبون حبل طوله نصف متر ويربطونه بالمرمى!
* هل تنصحني يامعوكس بان اكون رئيسا للمركز الاعلامي في أحد الاندية وماهو المطلوب مني؟
ثامر عبدالغني الشوشان - الخبر
اهم شيء انتبه لايحرض الرئيس شبكة النادي عشان يحشونك ثم تقدم الاستقالة!
* العزيز معوكس ماذا ينقص الاهلي حتى يفوز بالدوري ؟
الاهلاوي سامر العويجي- جدة
- يفوز بكل المباريات واضمن لكم المركز الاول!!!!
* ما شاهدناك ياخفيف الدم في بعض البرامج الرياضية الرمضانية عسى ماشر؟
- مادام زعيطان ومعطيان يحضرون وينظرون ماني بحريص!
* الى ماذا تعزو يامعوكس اسباب هزائم نجران في الدوري؟
سمير بابحيص -نجران
- الظاهر السمبوسة جابت العيد!