يسعدني ويشرفني ان انقل لكم طاروق بين الشاعرالمبدع عبدالعزيز دحيم الخياري (شبل عبس) والشاعر الكبير فلاح القرقاح

فلاح القرقاح

ياشبل عبس اقرب ترى الدرب قدام00نبغى نوصلك الدروب الصحيحه
اللي يدور للمراجل ماينلام00الخير واجد وارض ربي فسيحه

عبدالعزيزالخياري
انا مع اللي لامشى الدرب مقدام00سجيت رجلي والفعايل صريحه
للمرجله تاجً وللطيّب احزام00وانا احمد الله مايديه شحيحه

فلاح القرقاح
ابوك اعرفه والله وسبعة انعام00مثل الجبل صفق الهواء مايزيحه
مير انت لاهالحين رقمً من ارقام00والرقم لازم له جهاز وشريحه

عبدالعزيزالخياري
ابشر بشبله جاي لك لابس وسام00سمّ العداء واهل القلوب الكسيحه
ياشيخ منكم ودنا نسمع احكام00وانا اخبرك عندك من الشيح ريحه

فلاح القرقاح
لولا الشجاعه كان مامات صدام00 واللي يموت يموت والله يبيحه
اقول ياعبس اسمعوا هالنباء الهام!00شيلوا ولدكم واذبحوا له ذبيحه

عبدالعزيزالخياري
صدام مجرم مانفعه كثر الاجرام00والموت سنّه والمذله فضيحه
ياعبس شاعركم محنّك وضرغام00ضاق المطوّع وابتلش في فحيحه

فلاح القرقاح
توّك على سود الليالي والايام 00الناس كان يشترون النصيحه
ان قام قالوا جمّل الله من قام00وان طاح محدن قوّمه من مطيحه

عبدالعزيزالخياري
ياشيخ حج البيت والبس لك احرام00خل الولد يمسك ديوس المنيحه
يقول شاعر عبس في وجه الايام00حنا مقابيس الوغا يامليحه

فلاح القرقاح
حجيت بيت الله واكرمت الايتام00ولاجيت بالمترديه والنطيحه
يامال فرقا العين يازرع الالغام00مهما تقولون القبيحه قبيحه

عبدالعزيزالخياري
حجيت بيت الله حسب شرع الاسلام 00 وفي كل يوم مغيرلك شريحه

وشكرا لكم