ياخاطري مايفيد الضيق والحسرة
:
:
:
يا خاطري ما يفيد الضيق والحسره
والحزن قتال لا هبت أعاصيره
لا تحسب اللي جرى لي بالهوى كسره
الغصن عايش ولو طارت عصافيره
يا صاحبي من سوايا القلب لا تشره
القلب باقي على ذكرى مساييره
من قسوة البرد عندي للدفا جمره
جمرة غضى تشتعل بالهم والحيره
احيان اشوف الخفوق يحب مايكره
وأجيب لأجله عذر واقبل معاذيره
واحيان اشوف الجفا يطغى على صبره
يهز عرش الضلوع و ما لقا ديره
ياويل قلبي بترحل كمل السهره
ما راح تلقى من الاحزان تاشيره
كلمات : الشاعر فهد الشهراني