عواكيس
* العزيز معوكس... ولدي نجح في الثانوية وما قبلته أي جامعة توسط لي علشان يقبل فأنت راعي الفزعة وما تقصر مع اصدقائك وإلا بكلم رئيس نادينا المفضل لعله يفزعنا؟
حمد الدوسري- العزيزية- الرياض
- يابن الحلال سجله في نادي وتعرف على صحفي يسوي له دعاية والاحتراف أبرك له، ومع أول مليون بتقول كويس اللي ما دخل الجامعة.
* أخي العزيز معوكس أنا قررت أن أكون زي المذيع الأمريكي لاري كنج وفكرت في تقديم برنامج رايح يكون اسمه (إسهال) نتيجة الكم الهائل من المعلومات الرياضية الخطيرة فأرجوك أن تحل علي ضيفا في أول حلقاته؟
فالح الحبيب – رفحاء
- أنا مكاني في العالي، لكن يمكن استضافة صوير وعوير ولا تنسى القالطين على القنوات، وفي الطريق يمكن اخذ آراء بعض اللذين من جنبها. وعموماً يا كثر اللي ودهم يطلعون حتى ولو في عز القوايل وأنصاف الليالي.
*استاذ النقاد معوكس .. ليش ما تصير مدرب لأحد الفرق السنية، كلها بدلة وطربوش وكم محاضرة، يمكن تضرب معك وتصير أشهر من زاجالو؟
نعيم الهويدي – الدمام
- وبعدين يمكن يصدقون وعلى الصالة الدولية وأقرب رحلة دولية، خلني مدرب وطني أجي بتلفون وأروح بتصريفة ومكاني مضمون في تحليل المباريات تلفزيونياً.
* عزيزي معوكس اشرح لي الوضع الآن في الهلال وما علاقته بالأجواء المناخية، وهل من الممكن الاستعانة بحسن كراني؟
صالح الفهاد – بريدة
- الأجواء في الهلال حار بارد صيفاً ممطر شتاء مع وجود بعض الأعاصير البلجيكية، مع امكانية دخول موجة باردة قادمة من الدول الاسكندنافية... ها وش رايك، وبعدين كراني الله يذكره بالخير راح فيها هو وربعه بعد القنوات الفضائية.
* إلى النبيه معوكس الم تشعر يوما من الأيام بالزهد من الأضواء وحمل الأقلام والتريقة على عباد الله دون سبب، اعتقد أن وضعك بحاجة إلى دراسة علمية وخطة محكمة حتى نصل إلى الحقيقة؟
وافي الظويهر – دومة الجندل
- إلا والله أنا رافع ضغطهم وسكرهم وقولونهم وتراهم يحسبون ألف حساب لقلمي وانت عارفهم.
* أخي معوكس أنا عازمك على مطبق عشان نبي نتناقش ببعض المواضيع الرياضية التي اعتقد انك رايح تفتيني فيها، أنت بس حدد اليوم ومالك إلا مطبق يخليك تطبق الكلام وتأكل يدينك معاه.. قل تم؟
سامر الجويعيد – الطائف
- قرب رمضان ومالنا إلا السنبوسة واللقيمات والمطبق يمدينا عليه.
* إلى خليفة نجيب محفوظ السيد معوكس ليش بعض اللاعبين يوم سألوه عن رأيه في أحد المثقفين قال كل شيء إلا والكلام عن المدربين، الظاهر إن عنده فوبيا من بعض المدربين وخايف يصير برا التشكيلة اما الثقافة فيخلف الله؟
نجيب الرويضي – الجوف
- ثقافة لاعبينا الله بالخير واسأل زاوية الخط الأبيض اللي فضحت علوم ربعنا اللاعبين.
* تحياتي لك يابو العواكيس ليش اذا سألوا لاعب وإلا صحفي وقالوا ماهو آخر كتاب قرأتموه بس يذكرون اسم احد الكتب المعروفة، يعني هرب من الحرج وضعف الثقافة والا ايه؟
صديقك مرعي القحطاني- ظهران الجنوب
- يصرفون ما يبون أحد يكشف الثقافة، ما شاء الله كل رياضيينا قارين كتاب لا تحزن ولو سألت عن أبرز ما فيه صرف الموضوع.
* الغالي ابو العواكيس لو كنت مدرب لأحد الفرق ماهي الأدوار التي تقبلها وأخرى ترفضها، خلك شجاع وجاوبني بكل صراحة؟
سعود ابا الجمايل- الخرمة
- أقبل كل شيء إلا التدخل في عملي.. حلوة هذه الإجابة المعتادة، لكن الموضوع يعتمد على المدرب والإدارة وأنا ترى المدربين البرازيليين وش حليلهم ما هم بيخالفون لكن بلاك من مدربي أوروربا، أما الوطنيون فسلملي عليهم.
* هل تتوقع يامعوكس استمرار مانويل جوزيه، وإذا راح من تتوقع يجي بداله؟
خالد باريان – جدة
- يمكن يستمر إذا رضي عنه نور ويمكن أن يغادر إذا زعل عليه نور والمعادلة واضحة ولا تحتاج إلى كثير تفكير.
* قل يامعوكس لجماهير الرائد جاكم (برازيل القصيم) والله يعينكم على الهزائم في اول الدوري وآخره واذا مانت مصدق تعال تفرج؟
ثامر الواني - بريدة
- والله أنا اقترح على هيئة المحترفين أن سووا دوري خاص بقطبي بريدة والفائز منهم يمثلنا في كأس العالم ونفتك من تنافس ميلان والانتر.
*هل تذكر لنا أصعب يوم وأسهل يوم مرا في حياتك، ارجوك لاتستعين بصديق يغششك مثل صياد والا (قول على قول)؟
بندر المشاري – الرياض
-جاء رمضان وبدأت أسئلة نص الكم، لكن كله يهون عند سؤال لأحد اللاعبين ما هو شامبوك المفضل والله من زين السؤال.
* يقولون يامعوكس انك شكلت فريق عمل لمناقشة تطوير الأدوات النقدية للعمل الصحفي الرياضي وفجأة تم اكتشاف أن هذا الفريق يحتاج إلى فريق آخر يناقش ويحلل السلبيات لدى الفريق الأول والنتيجة الله يخلف عليك أنت ونقدك؟
فهيد المروي- الحناكية
- يذكرني سؤالك ببرنامج الاتجاه المعاكس..
* دائم تردد يامعوكس ان آخر مرة لبعض المدربين في ملاعبنا هو الأسبوع الرابع او الخامس من الدوري، ليش كل هذا الحقد، يمكن عشان بعضهم ما خلاك تسافر مع فريقه للمعسكر الخارجي في البراد؟
حبيب السويلمي- الجوف
- انا ما أسافر مع أندية لست مثل بعض الناس الذين فيزوا وواشتروا ملابسهم من أبو ريالين وآخرتها كرشهم المدرب وجلسهم في الحر.
* شكلك متغطرس يامعوكس عشان كذا أصبح لديك زهد بالظهور عبر التلفزيون، صراحة شيء يثلج الصدر عشان مانشوف خشتك ووجهك النكبة؟
سعد النابتي – رفحاء
- خلاص اشبع بالذين صجونا في القنوات والإذاعة اللي يحلل زميلنا النشط الفريان عندهم.
* العزيز النشط معوكس... بعد مشاهدتك للهلال في أبها كيف بيكون وضعه في الدوري؟
عبدالملك المرشد- عرقة- الرياض
- يقولون إن اللاعبين بيروحون مع المدرب جيريتس للمغرب ومالكم إلا ترجعون أبو حطبة والدبلي.