ياكثر الهقاوي بعض الاحيان والشرهات=كثيره ولاكن ماتوردك للجمه
ياذود الحيام اللي طواك الضما بالذات= ضنونك من اقرب شي طاحت من القمه
تنحى سراب الال لاقبلت باللقوات=تحسبه قريبٍ ونت مايمك بيمه
زمان يعيش الزيف ولا صحيحه مات=ولاباقي الا اللي زمانه له مطمه
يشوف بزمانه من عنا الوقت والصدمات=يعيش الحياة بهم ويموت في همه
ياكم بالسعه ناسٍ تبني لها هامات=على أعلى قمم للمجد رامت لها قمه
لهم هرجت من سمعها تعكس الموجات=لياوحيتهم فعل الردي دايم تذمه
بوقت وجيه الزيف تصنع لها قامات=بها جاد في تمثيلها من برد دمه
لاكن الحقايق فيهم تبين لامن جات=وتمحى وجود اللي تصنع وهو خمه
ترى كل رجل يبين لاشدت الوقفات=تبين الرجال افعالها حزة الهمه
تبين وجيه طيبها دايم عادات=رجال تمد الطيب ماقصدها اتلمه
اقوله ونا من فضل راع اجزل المدات=كريم العطى واللي طلبه انفرج همه
غني عن اهل الزيف مرواح وبجيات =لكن مابدالي شفت بالقاف وتمه