عبدالرحمن القحطاني


* ياأبو العواكيس تنصحني اشتري ضب وأجيب قدحين بشعار الأندية بس أبيك تساعدني كيف اخلي توقعاته صحيحة!!
بدر اليعقوب
- القيصومة

- للأسف بعض الضعفاء طاروا بعجة الاخطبوط، يا أخوان اركدوا شوي واثقلوا ولا تطيرون بالعجة، ترى ما كل شيء يصلح للتقليد.

* السلام عليكم ورحمة الله وبركاته حبيبي معوكس من وجهة نظرك الثاقبة وش رأيك بتعاقدات (العالمي) للاعبين الأجانب وعبدالرحمن القحطاني وهل سيفيدون العالمي ويجيبون لو بطولة الدوري أم ماذا وشكرا بدون سلة مهملات؟
مشجع العالمي أخوك علي الخيبري
– الرياض.

- بطولة الدوري مرة وحدة، الفوز بالخمسات والعشرات في المعسكرات ما يفيد إذا حمى الوطيس.

* هل صحيح انك يامعوكس بغيت تعسكر برا بس غيرت رأيك؟
ناوي الرشيدي
– المدينة المنورة

- بغيت اعسكر بس ما أعرف أسوق سيكل لأن المسألة كلها صارت سياكل وسماعات بالآذان، بعض اللاعبين ما صدق يروح وغير شكله وهو أول حده طعوس الثمامة.

*الأخ ابو العواكيس تحية طيبة وبعد محمد نور ومشاكله المتكررة يا خوي ملينا كل ما أقرأ الجريدة أو فتحت التلفزيون ألقاه في وجهي كأن ما في البلد إلا ذا الولد. يا عزيزي غطى على إعلانات التوعية لنظام ساهر؟
محبكم ابومحمد
.روضة سدير

- ساهر يضبط النظام لكن نور ولا أحد يمكن ضبطه حتى ساهر.

* الحمد لله الآن اطمأنيت يامعوكس يوم عرفت انك ما انت مع عفش الهلال وإلا كان رحت في خرائطها؟
سعد الخلاوي
– رفحاء

- لا البعض فرحوا بهذه الكارثة يا أخي ما يحدث من بعض الجماهير وهم قلة ولله الحمد لا يمكن أن يصدر من انسان سوي، هم وصل بهم التعصب إلى هذه الدرجة المحتقنة.

* ابو الهواجيس معكوس كيف حالك وشلون النياق يقولون انك ناوي تسابق في المزاين وصراحة انه اصرف لك من الكورة وتوطي خلق الله ما نقول إلا فالك البيرق؟
ناصر العامر
- الدمام

- المزايين لها أهلها وملايينها، أنا حدي كرة القدم وبربسة بعض الإداريين واللاعبين ولا يهون الحكام.

*صراحة انك تستحق لقب الكاتب (الداعم) أو (الشيخ) بس ناقصك بشت وكم تصريح وسيارة شبح وكم خوي وإذا ما طبقت ذا الكلام أحس أن تعبك ذهب هبأ منثور؟
صديقك وقت الضيق خلف الوافي
– حفر الباطن

- لا وبروح للقاهرة وأحل مشاكل اللاعبين.