اقتباس:
المشاركة الأصلية كتبت بواسطة المعتبر 
اقتباس:
المشاركة الأصلية كتبت بواسطة قرنآآس
آخوي آلمعتبر وكذآلك ولي آلعهد وش تبون بآلعبسي2 وهو مآيهون
وآلبآحث موجود
اخي وعزيزي قرنااس بذمتك عمرك شفت شاعر يحط توقيعه بيتين شعر مكسره غير الباحث
-------------------
لا حول ولا قوة الا بالله --ياخوان هذا اخونا المعتبر الظاهر عنده مشكله اسمها مكسر -- ياخوان البيتين الي في توقيعي هن بيتين اخترتهن من هذه القصيده لاحد الشعار المشهورين وايليكم القصيده فارجوالاطلاع والنظر وسلامتكم
---------------------------
ياصاحبـي ماعـاد فيهـا معاذيـر
النفس طابت والمفـارق نويتـه !
يكفي الم يكفي دمـوع وتحاسيـر
يكفي بوسط الجوف جرحي خفيتـه
بشوم عن دنياك واواصـل السيـر
وباخذ معي قلـبٍ بصـدك كويته
ماعاد لك فالقلب حشمـه وتقديـر
من بعد هجر فـي حقي سويته !
الوضع مزري مايبي زود تفكير ؟!
من باعني برخيص انا ما شريته !!
من صغر سني وانا في منهجي غير
تكوين خلقـي نـادرٍ بغيري لقيتـه !
اطمح على الاول ولا أطيق الاخيـر
وابرز نجاحي في طريـقٍ مشيتـه
لا انت ولا غيرك له اليـوم تأثيـر
فوق السحب عالي شموخي بنيتـه
ماهمني جمـع الذهـب والدنانيـر
راسي عزيـز وكـل رجـمٍ رقيتـه
دونت كل اللـي مضالـي بتقريـر
ومع الاسـف اليـوم تـوي قريتـه
برحل واخلي عيشةٍ مابهـا خيـر
واقولهـا للكـل صاحبي نسيـتـه !
وان اسألوني قلت أنا خيـر ياطيـر ؟
بعته مثل مابـاع قلـبٍ عطيتـه !