ياونتي ونة كسير خلاوي=وقع مابين اعداه والليل ممسيه
عليك يامشبه عيون النداوي=ياجاذب قلب العنا من عراويه
بينك وبين الناس مابه تساوي=انت اللذي غلاك محد مساويه
ياماجرت لي من سببك البلاوي=تخنقي العبره ليا حل طاريه
واكبر بلاي ليا اقبل الليل ضاوي=يسوقني شوقي على شان الاقيه
قلبي يتصبر بس ماهو بقاوي=هم يحدربه وهم يوديه
يشتاق لاكن ضيعته الهقاوي=لاادرك هوى نفسه ولاوصل راجيه
يلومني خطاة خبل اللعاوي=يزرى علي اللي قريبه مراميه
لو نشتكي ماينفعن الشكاوي= وش حيلة اللي فاقد بعد غاليه
******** type="text/**********">doPoem(0)***********