السلام عليكم ورحمة الله وبركاته
اخواني اعضاء موقع الشاعر غازي البراك موقع الجميع وزواره الكرام
هذه قصيدتي التي شاركت بها مع زملائي الشعراء بحفل الملازم طيار فايد بن نايض
اهداء الى الشيخ نايض والى ابنه الملازم طيار فايد:
ســلام يــاربعن عزيـزيـن الـــسلوم =يلي لهــم بالــمجد والعليا شــعار
جـينا نشـارك بالفرح شـبل القـروم =حــرن شـلع يـم الثريـا واســتـدار
مـبروك يافايد عسى الفرحـه تـدوم =يـالله عـساهـا معك في طول المـسار
مـاهي غـريبه مـنك للــعليا تــروم =حرن ولـد حرن تسلسل مـن حـرار
الــجد كـلن يعرفه مـن روس قـوم = والابـو نـايض شيخ لــه قـدر وقـار
اصعد ياحر وصير في صف النجوم =وانزل عـلى روس الـعدا نـار ودمـار
انتم حمات اجوا البلاد من الهجوم = لـجا نهارن مــابعد فــيه اعــتدار
مـثل الصقور اللي على القمه تحوم = تـرقب حدود الـدار في مـين ويسار
بامر المليك اللي عسى حكمه يدوم =الـلي لــه بــكل المـياديـن اعــتبار
درع الوطن وحماه عـن برد وسموم=عــلى الـوطن والدين وشعوبه يـغار
مـلـيك مـامثله بـهالــدنيا عـمـوم = نــعم نـقـول بـسـر ونـقولـه جـهـار
باسه قوي لكن على شعبه رحوم= يـرحـم صـغـارن ويـتـواضـع للـكبـار
لكن ياويل اعداه من فرك الخشوم =بـركان لامـنه غــضب ولا اسـتــثار
سلطان عضده صاحب الراي العزوم= يالله عـسى عمره مـع اطوال العمار
وزير جيشن لا مـر جنوده تـقـوم = وسـط الــبحـر والــبر والا في مــطـار
واحنا بخير ياكـثر مـنه مـحروم = امــن وامــان ومـمـلـكـتنا بــازدهــار
واخـتامها يالله يـامـنش الـغيوم = تـحفظ لـنا اغلى ملوك في اغلى الديار
******** type="text/**********">doPoem(0)***********
الشاعر/ عبيدالله خنيفر البراك