سلام واطول من الجبال السراوات=يضفي على اللي بالحفل حاضريني
سلام يرفع مع سمو التحيات= امغلف (ن) بالورد والياسميني
سلام ياهل الطيب في كل الاوقات=سلام ريح العود وسطه يبيني
يسمو شموخه مثل ضلعان ابانات=اللي ذراهن يذري الخايفيني
بين الرجال اهل النفوس الرفيعات=في كل واجب ياسعد كامليني
ابناء البويدي مكثرين التحيات=لاهل الوفاء حي الله الغانميني
اهل الكرم واهل الشرف والمروات=يوم حضرو في حفلت الطيبيني
عند البويدي كاسبين الجمالات=اعزاز النفوس مقلطين السميني
الشعر يسمو في رجال المهمات=اللي على كلمة نعم حاصليني
يوم انها مابين صوله وجولات = الطيب ورث اجدوده الاوليني
يستاهل التمجيد في جزل الابيات =لانه من اللي يحتمون القطيني
حقايق (ن) ماهي سوالف خرافات= موثقه في كل علم(ن) ثميني
وهلحين بثي ونشري يالمحطات = منا الولاء القادة المسلميني
حكامنا اهل السيوف الرهيفات = منا لبو متعب وخوه الاميني