يامرحبا بضيافه الشيخ صلحان = ابو مصيلح من شيوخ القبيله
باسمه ارحبك وارحب بالاخوان = الله يحي حضرتك يالدويله
حياكم الله عد هتاف الامزان = اللى سبق سيله بروق المخيله
نون ً تداحم ونتثر فوق الاوطان = ماهو غرق رحمه تضيع مسيله
ترحيب يسمو في طويلين الايمان = يسمو مقامه في رجال الفضيله
عند الكريم اللى له الطيب عنوان = اللى على الجزله يرد الجزيله
طيبه معه من يوم عمره بالاحضان= ياخذ سمينه مايحب الهزيله
ضد الخصيم انشد من الربع شيبان= اللى معه عاشو بوقته وجيله
اقولها يستاهل المدح صلحان = من روس ربعه كاسبين النفيله
مضابره شيخان من روس شيخان = اهل الخيول المسرجات الاصيله
وحييت ياحراًجرح كل عدوان = مخلف هقاو ومولعين الفتيله
ميزان حق ولأ هل الحق مزبان = اسمه مبارك للعلوم النبيله
قوي شخصيه على كل الاحيان = سيفٍ صقيل من السيوف الصقيله
متصدراً كل المراجل والاحسان= زيزوم شيال الحمول الثقيله
عن من نصاك وجاك ماصك بيبان = يمناه بالواجب مداها طويله
وهبه من اللى حكمته كون انسان = اما يجيك الطيب ولا تجيله
ولاخير في قولً يجي فيه نقصان = ولاقول انا قولً بليا دليله
اقول انا قولً موثق ومليان = ويشهد سويلم بالبيوت الجزيله
فك السجين اكبر دلايل وابرهان = الله واكبر يالفعول الجميله
سجين صلى الفجر في سجن دسمان = والظهر بالخفجي غداه ومقيله
سجين من دونه قفولً وقضبان = امه احضنته بين يوماً وليله
دفع الغرامه عنه مارد ذيبان = طليق حراً راح يومي شليله
حقايقاً ماهي بزرواً وبهتان= حقايقاً واللى ضمنها الدويله
شامخ وتاريخك يسجل بالازمان = تبقى لك رموز الفعول الجميله
وافي من الوافين في كل ماكان= ماثقل من حملً بكفك تشيله
طيب وسيع بطان عاقل وفهمان = تقهر مواقفك النفوس الغليله
كلً يبي يسوي سواتك وعجزان = تقصر حبال مشاورين الحليله
تبني ترابط والترابط بنيان= حتى دخلت قلوب كل القبيله
كلً رفع يمناه معجب وفرحان = بشخصيتك كبر الجبال الضليله
وتبا الصحيح اللى عليه الفخر بان= يابو معاذ الصدق مافيك حيله