اخفي الضيقة عن الناس وعيون العدو
واتظاهر بالسعاده وانا ماني خلي

وجد حالي وجد عودٍ يصيح ودمعته
حايره من فوق خده ويصرخ ياهلي

هملوه عياله اللي عليهم ماينام
هملوه وضيقته بالمعاليق تغلي

ضاقت فجوج الاراضي وعينه للسما
يدعي الله ياعسى الله يعين المبتلي

ياوجودي يوم قفا صحيبي يابدر
وارخص حقوق المحبه بطيبات عملي

لعنبو جد المفارق وصدات الحبيب
لعنبوها لاتمادا وبدل منزلي

مابدت مني خطيه ولاجيت بملام
لافرح افرح ولامن زعل زاد زعلي

الله اكبر والليالي القديمه ماتهون
والله اني ماهقيت المحبه تنجلي

باتصبر والغلا فالضماير لايزال
يمكن انه لاسمع شكوتي عود علي